شلبكيات

العنوان : أوبريت شلبكي شعبي

شباك ابو شلبك - صفحة 3 من العدد الشهري الأخير رقم 98

المناسبة : كثرة الأغاني الهابطة وهرولة الإعلام المطبل .
الزمان والمكان : حيث الكثير من التبضع والتطبيع .
الوقت: عند الحاجة لكل جهد يصب في الإبقاء على شعلة الأمل .
مهنة أبو شلبك هذه المرة : شاعر شعبي !!
اللغة المستخدمة : العامية


كتب : محمد هارون
***
المجموعة :
يا ابو شلبك شلبكتتنا
صعّبت العيشة وحبّكتها
أبو شلبك :
ما بحكي الا المنيح
وما بصح الا الصحيح
رجل مصري:
ما تأساش علينا يا عمنا
دنتا حبات عيننا وابننا
وأهو ..
كل العرب زينا
أبو شلبك :
مش حتكلم عن أي حاجة
انتو ناس تدي الشهادة
أموت وتبقى.. مصر ولاّدة
المجموعة:
المجموعة : يا ابو شلبك شلبكتتنا
صعّبت العيشة وحبكتها
رجل سوري :
أولك( أقول لك ) .. احكي يلي بتريده
اعوج ما تهاب ..
عدّل حديده
ما تهتم …
خاف الله وطنش عبيدو
أبو شلبك :
انتو عضم الرقبة واهل البيت
رغم العتمة ما عميت
مجد وكرامة..
من بصرى لاوغارايت.
المجموعة :
يا ابو شلبك شلبكتتنا
صعّبت العيشة وحبكتها
الفلسطيني :
يا ابو شلبك قصصنا كثيرة
من رفح لحد البيرة

وسؤال يموّت يقدح قدح
انت حماس والا فتح
والكل بيطخ …
بغير الصح
ابو شلبك :
يا أهلنا يا أهل الدار
ثورتكم ثورة احرار
من ياسين لأبو عمار
والي بحيّد مصيره العار
***
اللبناني
شلحونا الحفايات
لباسونا الريّالات
شمامونا النفايات
غرقونا بطولات
وآخرتها .. انفجارات
والحالة .. هيه هيه
***
أبو شلبك
من فخر الدين الثاني الأمير
حتى فخر الشباب جاك المير
بلد المحيدلي.. والصافي الكبير
بيرفض يلي.. عم يجري ويصير

الاردني
أبو شلبك يا خالي يا أصيل
احكي عنا وخليك هدير
مشي الحيط الحيط ودانا البير
اكتب، غني، ارسم…
لأمتنا أحلى سفير
ابو شلبك :
وحياة نزول السلط
وطلوع المصدار
ما بيصر أكثر ما صار
بيظل الاردن قلب الدار
وعلى راسه باقات الغار
لما يصير الوطن بالقلب مسمّار
مش بجيبة واحد فشار
العراقي :
طائفي بينا ومنا وفينا
سني شيعي زادت بلاوينا
وهذا عربي وهذا كردي
حتى داعش لزقت بينا
ابو شلبك:
وانا معاكم من بابل واريدو
هالوظع ما اباه.. وما اريدو
عراق المجد أنا ابنه وحفيده
***
السوداني
يا عرب يا ناس شنو دايرن
انتو مضروبين… مشدوهين!!
راحت منكم جوبا … وفلسطين
بحق المولى حتة وحدة.. يا مقسومين.
ابو شلبك :
آآي يازول هدا كلو صحيح واللهي
أنت تسير سنار.. تمشي دار فور
نحنا وراك، وأنت الصح على طول

العربي البدوي :
ابو شلبك يالغالي يا ابن الديرة
للعرب سوالف كثيرة
اسمع منا بدون تكشيرة

في واحد منا بسأل كتير
وبنهك زي الحمير

انت مسلم ولا مسيحي
انت سني ولا شيعي
بدوي علوي
غزّي والا من الضفة الغربية
ابو شلبك :
هرج خريطي وسولافة طرمة
وكلام هجايص خطوطه حمرا

اسمعوا مني الكلام الزين
مش لواحد واتنين
والكل يفكر …من طنجة لحد البحرين

هادي مني أخوية
لا فساد ولا قطرية
ولا طائفية ولا قبلية
هاذا أساس امتنا العربية

ما يجوز يا ناس و لا حتى تركب بالراس

يصير عدوي ابن بلدي
وحبيبي أكبر صهيوني!!!

لا يا سيدي.. أنا عربي
وأنا سني وأنا شيعي
أنا قبطي وانا كردي
وما بنقبل غير الكرامي
ومستقبل عز كله شهامي ..
***
يا ابو شلبك أحكيليك كلمي
أبو شلبك :
ما حكيت الا المنيح
وما بصح الا الصحيح

اظهر المزيد

مقالات ذات صلة

زر الذهاب إلى الأعلى
error: Content is protected !!
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock